Colossians 2:18 — Compare Translations

Afrikaans (Contemporary Afrikaans Bible 2023)

Laat niemand julle verlei oor julle beloning deur vrywillige nederigheid en aanbidding van engele, wat inbreuk maak op die dinge wat hy nie gesien het nie, tevergeefs opgeblase deur sy vleeslike verstand,

Afrikaans (NLV) 2011

Laat niemand wat aandring op selfver­ne­de­ring en en­gel­verering — en dit met ’n be­roep op visioene! — julle op sleeptou neem nie. Verniet dink hierdie mense, ti­pies van hulle sondige geaardheid, baie van hulleself.

Afrikaans 1933/1953

Laat niemand julle van jul prys beroof nie, al sou hy behae hê in nederigheid en verering van die engele en indring in wat hy nie gesien het nie, en sonder oorsaak opgeblase wees deur sy vleeslike gesindheid,

Afrikaans 1983

Moenie dat iemand wat behae skep in danige nederigheid en in die aanbidding van engele en wat voorgee dat hy allerhande visioene gesien het, julle daarmee mislei nie. So iemand verhef hom oor wat hy in eiewaan van homself dink,

Afrikaans 2020 (Die Bybel 2020-vertaling)

Moenie dat iemand wat aandring op selfvernedering en die aanbidding van engele, en wat hom verdiep in visioene wat hy gesien het, julle van die prys beroof nie. As gevolg van sy sondige aard, dink hy sonder rede baie van homself,

Afrikaans Bible (ABA) 2007 (Bybel vir almal)

Daar is mense by julle wat sê hulle is nie hoogmoedig nie, maar hulle lieg. Hulle aanbid engele, hulle spog en sê God het vir hulle dinge gewys, maar dit is nie waar nie. Hulle is trots op die slegte dinge wat hulle dink. Julle moenie dink dat hulle beter weet as julle en dat julle verkeerd is nie.

Afrikaans DB 2006 (Die Boodskap)

Julle sal ook mense teëkom wat kamma vreeslik nederig leef. Hulle sal julle probeer oortuig dat dit is hoe godsdiens moet wees. Hulle sal ook allerhande engele aanbid en gedurig spog met hulle geestelike ervarings of die gesigte wat hulle al gesien het. Dit laat hulle kamma so godsdienstig en so trots op hulleself voel. Ignoreer hulle. Moenie eens na ’n woord luister wat hulle sê nie. As hulle dink hulle weet wat godsdiens regtig is, slaan hulle die bal ver mis.