Ezekiel 1:11 — Compare Translations

Afrikaans (Contemporary Afrikaans Bible 2023)

So was hulle aangesig, en hulle vlerke was boontoe gespan; elkeen se twee vlerke was aan mekaar verbind, en twee het hulle liggame bedek.

Afrikaans (NLV) 2011

Elkeen het ook twee pare uitgestrekte vlerke gehad. Met een paar vlerke het hulle geraak aan die ander een wat langs hulle staan. Met die ander paar het hulle hulleself toegemaak.

Afrikaans 1933/1953

En hulle vlerke het uitgesprei na boontoe; elkeen het twee gehad wat met mekaar verbind was, en twee wat hulle liggame bedek het.

Afrikaans 1983

Sy twee boonste vlerke was oopgesprei en het aan dié van die wesens weerskante geraak; met die twee ander vlerke het hy sy lyf bedek.

Afrikaans 2020 (Die Bybel 2020-vertaling)

So was hulle gesigte. Hulle vlerke was oopgesprei na bo, elkeen met twee vlerke wat aan dié van die ander raak, en twee vlerke wat die liggaam bedek.

Afrikaans Bible (ABA) 2007 (Bybel vir almal)

Elke dier se boonste vlerke was oop en dit het geraak aan die vlerke van die twee diere links en regs langs hom. Met die ander twee vlerke het elke dier sy lyf toegemaak.

Afrikaans DB 2006 (Die Boodskap)

Elke lewende wese het met sy twee boonste vlerke aan die vlerke van die lewende wesens aan weerskante van hom geraak. Die ander twee vlerke was toegevou, en daarmee het die lewende wese homself bedek.