Malachi 1:4 — Compare Translations

Ayamar Bible (Qullan Arunaca)

Esaú chachana wawanacapa Edomita jakenacatejj sapjjaspajja: ‘Jiwasasti t'unjataw uñjastan, ucampisa wasitatwa marcasjja sayt'ayañäni’ sasa. Take ch'amani Diosasti aqham saraquispawa: “Jupanacasti wastat marcanacap sayt'ayasipcpan, ucampis nayajj wasitatwa t'unjaraquëjja. Ucatsti marcapajj: ‘Juchan phokt'at marca’ satäniwa; orakenacapasti ‘Diosan wiñayataqui colerasitapa orake’ sataraqui.”

Aymara 1997

Esaú chachan saraqirinakapäki uka Edomitanakatix sapxaspa: “Markasax t'unjatawa, ukampis wasitat sayt'ayañäni” sasaxa, taqi ch'aman Tatitux akham sarakispawa: “Jupanakax markanakap wasitat sayt'ayasipkan ukasa, nayax wasitat t'unjarakï. Markapax ‘Juchan phuqt'at marka’ satäniwa; uraqinakapasti ‘Tatitun wiñay q'apisiñ uraqi’ sasa sutichatarakïniwa.”

Aymara Bible 1986 (Aymar Bibliia 1986)

Esaú chachana wawanacapa Edomita jakenacatejj sapjjaspajja: “Jiwasasti t'unjataw uñjastan, ucampisa wasitatwa marcasjja sayt'ayañäni” sasa. Take ch'amani Diosasti aqham saraquispawa: “Jupanacasti wastat marcanacap sayt'ayasipcpan, ucampis nayajj wasitatwa t'unjaraquëjja. Ucatsti marcapajj: ‘Juchan phokt'at marca’ satäniwa; orakenacapasti ‘Diosan wiñayataqui colerasitapa orake’ sataraqui.”