Ezekiel 40:7 — Compare Translations

Edo ((E Baibol Ẹdo) Version 1996)

Ọlẹla kevbe gha rre vbe a gberra ẹre nẹ, ughugha ọkhẹ eheha kegha rrọ ẹre obọ eveva. Nene ughugha ọkhẹ na hia kegha re umwọmwẹ vbe igienenẹ, ibata igbigbe vbe obọ ọkpọkpa, ekẹn ni rre ẹkpo iran kegha re ibata erẹnrẹn erẹnrẹn vbe umwẹimimwẹ. A ghẹ ghi vbe gberra avbe ughugha ọkhẹ na nẹ, ọlẹla ọkpa keghi vbe gha rrọọ ne ọ re ibata igbe vbe utanmwẹ, ọna ọ re a la sẹ Ọgua nọkhua ne ọ mu aro da Ọgua Osa.