Song of Solomon 2

Edo ((E Baibol Ẹdo) Version 1996)

← Chapter 1 Jump to: Chapter 3 →

1Obobo oha kẹkan vbe Siarọn mẹ khin iyokho ẹzẹ ne ọ rre iya avbe oke.

2Zẹ vbe iyokho ẹzẹ ne ọ rre ẹbu igban erriọ enida mwẹ ye vbe ẹbu avbe ikhuo.

3Vbene otiẹn ye vbe ẹbu erhan vbe ẹgbo, erriọ ọ re enida mwẹ ye vbe ẹbu ikpia ọvbehe. Aghọnghọn rẹn yẹ mwẹ ne a tota yi ọmọ rẹn wa vbe rhiẹnrhiẹn mwẹ.

4Ọ rhie mwẹ gha die ọgua evbare ẹre ọ ke tan afiala aho ẹmwẹ ọmwa rẹn gue mwẹ.

5Ye avbe ọmọ erhan ni rhiẹnrhiẹn rhie ẹtin yọ mwẹ iwu. Ne u vbe ye avbe otiẹn koko mwẹ te orriarria ghi ye egbe wọ mwẹ.

6Agobọ ẹre rre ototọ uhunmwu mwẹ. Ọ keghi ya obọ erha ọmwa gha wo mwẹ egbe egbe.

7wa yan ma mwẹ, wa ni ikhuo e Jerusalẹm, wa ye ẹrhuẹ ne ọ vin kevbe uzo vẹn ihẹn, wẹ wa i ra fi ukpe ye ẹmwẹ ahoẹmwọmwa ima.

8I họn urhu enida mwẹ ọ rhulẹ ke avbe uhunmwu oke dee ọ rhulẹ la oke bu mwẹ dee.

9Te enida mwẹ yevbe uzo Ọ yevbe oteghe ẹrhuẹ. Ya ghe vbe ọ mudia ye ọkpẹn ekẹn. Ọ fi aro la ewindo ghe uwu owa ọ rhie aro la uvun ẹkhu.

10Enida mwẹ keghi gunmwẹ guan. Larre nian enida; enida mwẹ lele mwẹ.

11Ẹghẹ oni gberra nẹ, amẹ ka nẹ.

12A gha la hin adesẹ ẹvbo rre nẹ avbe obobo sa kua. Ẹghẹ ne a ya so ihuan ọ re ọna khin a họn ihuan ne avbe idu so vbe orere.

13Avbe ohọ hia vbo nẹ. Ẹhoho hia ghi winhin vbe azara ni vboro. Larre nian enida, enida mwẹ, lele mwẹ.

14U yevbe edi ne ọ lẹre ye uvun okuta. Gun mwẹ bẹghe ugbaro ruẹ ne lọgiọọ. Ne I vbe họn urhu ne ighẹnghan ruẹn.

15Munọ avbe umuọkhọkhọ nii, avbe umuọkhọkhọ negiẹrẹ nii, ne iran ghẹ ya rhia ima azara nii gbe obobo rua.

16Mẹ ọ re ọ yan enida mwẹ rẹn ọ re ọ yan mwẹ ọ koko avbe ohuan rẹn vbe uwu iyokho ẹzẹ.

17Ẹhoho owiẹ te suẹn gha hoho ne a vbe ho ebiebi bẹkun. Dọlegbe gha dee enida mwẹ zẹ vbe uzo zẹ vbe ẹrhuẹ ọwẹe vbe oke Bẹtẹ.

← Chapter 1 Jump to: Chapter 3 →