Song of Solomon 4

Edo ((E Baibol Ẹdo) Version 1996)

← Chapter 3 Jump to: Chapter 5 →

1A miẹn vbene u mose hẹ enida mwẹ, a miẹn vbene aro ruẹ fi hẹ wainwain. Vbe ukpọn ne u rhie gue uharo. Eto ruẹ gha bi yo bi rre vbe oghẹn ẹwe ni rhulẹ rrie ototọ oke Giliad.

2Akọn ruẹn wa fuọfua, zẹ vbe ohuan ne a da kpolo ẹre eto a na khue ọre okpa ne kpan ẹn fua i vbe rrọ ehia keghi mudia ye umwọmwẹ.

3Akhuarhamwunu ruẹn yevbe ovbiọza ododo u miẹn vbe iran mose hẹ vbe uwẹ a gha guan! Irho ruẹ fi wain wain vbe uwu ukpọn ne u rhie gue uharo.

4Ẹyaẹn ruẹn yevbe orre e Devid ọ ye rọnmọ rọnmọ ọ kevbe rrie vbene emwiurhu ne ọ yevbe asa ivbiyokuo arriaisẹn na lẹga ẹre.

5Ẹwẹn ruẹn yevbe ivbi uzo, vbe ẹrhuẹ eva ni rria vbe uwu iyokhotọ.

6I gha mudia vbe uhunmwu oke oziya uhunmwu oke eturari rhinrin ẹhoho owiẹ te do gha hoho ne a ho ebiebi bẹkun.

7A miẹn vbene u mose hẹ enida mwẹ; a miẹn vbe u ye kereghede hẹ!

8Lele mwẹ ke Oke Lebanọn gha dee, ọha mwẹ lele mwẹ ke Lebanọn gha dee. Tuorre ke uhunmwu Oke Amana gha dee ke uhunmwu Oke Sena kevbe Oke Hẹmọn gha dee ehe ne avbe oduma kevbe akpakomiza ye.

9Vbene u ya ghe ọmwa, ikpẹ amiẹnmiẹn mwẹ, kevbe ọha mwẹ, deba emwi urhu ne u mu ye urhu la mwẹ uhunmwu nẹ usin.

10Ahoẹmwọmwa ruẹn ye egbe mu mwẹ ikpamiẹnmiẹn kevbe ọha mwẹ. Ahoẹmwọmwa ruẹn maa sẹ ayọn ori ruẹ winhin sẹ ori ke ori hia.

11Orhiẹnrhiẹn owọn rre unu ruẹn enida mwẹ, aranmwẹ ruẹn, owọn kevbe ewẹn nọ mẹ. Uwinhinmwẹ e Lebanọn hia rre ukpọn ruẹn.

12Ikpẹ amiẹnmiẹn kevbe ọha mwẹ, ogba ẹkhokho nọ, ogba ne a gbe ekẹn gaa, ovbi ẹzẹ obọ mwa,

13evba nii, ivbi erhan na wan an. Ehia wan rẹn zẹvbe ogba emwiokọ ighee, iran keghi mọ ọmọ ne ọ maa sẹẹ. Avbe hena kevbe nad,

14avbe safrọn, e kalamus, e sinamọn rrọọ ra eturari ughughan avbe oziya kevbe alọi hia zọ vbọ deba uwinhinmwẹ ọvẹvẹ.

15Ivbiẹzẹ ọ re ọ gbe amẹ khakha ogba nii avbe ẹzẹ ne amẹ na lẹẹ, ivbiẹzẹ ni lẹ ke oke Lebanọn tuorre rre.

16Kpaegbe Ẹhoho odẹ Okuọ, ẹhoho odẹ Ekẹn, hoho ye ogba mwẹ, ya uwinhinmwẹ vuọn ẹhoho hia ẹ. Gie enida mwẹ gha die uwu ogba ẹre ne ọ do rri ọmọ erhan ne ọ maa sẹ vbọ.

← Chapter 3 Jump to: Chapter 5 →