Revelation 17:8 — Compare Translations

Tibetian CTB (གསུང་རབ།)

ཁྱོད་ཀྱིས་མཐོང་བའི་གཅན་གཟན་ནི་སྔར་ཡོད་པ་དང༌། ད་ལྟ་མེད་པ། རྗེས་སུ་གཏིང་མཐའ་མེད་པའི་དོང་ནས་འཐོན་ཞིང༌། འཇིག་པར་འགྲོ་བར་འགྱུར། ས་གཞི་ལ་སྡོད་མཁན་ཏེ། འཇིག་རྟེན་གསར་དུ་བཀོད་པ་ནས་དཔག་ཏུ་མེད་པའི་ཚེའི་མདོ་ལ་མིང་མ་འཁོད་པ་རྣམས་ཀྱིས་གཅན་གཟན་དེ་སྔར་ཡོད་པ། ད་ལྟ་མེད་པ། རྗེས་སུ་འོང་བ་མཐོང་ནས་ཡ་མཚན་དུ་འགྱུར།

Tibetian NTB (བོད་འགྱུར་གསར་མ།)

སྔར་ཁྱོད་ཀྱིས་མཐོང་བའི་གཅན་གཟན་དེ་ནི་སྔོན་ཆད་ཡོད་ལ་ད་ལྟ་མེད་དེ། ཕྱིས་སུ་ཞབས་མེད་པའི་དོང་ནས་འཐོན་ངེས་ཤིང་འཇིག་པར་འགྱུར། ཡང་ས་སྟེང་དུ་སྡོད་ཅིང་འཇིག་རྟེན་བཀོད་པའི་ཚུན་ལ་ཚེ་སྲོག་གི་གླེགས་བམ་ནང་དུ་མིང་ཐོ་མ་བཀོད་པ་རྣམས་ཀྱིས། གཅན་གཟན་དེ་མཐོང་བའི་ཚེ་ངོ་མཚར་བར་འགྱུར་ཏེ། ཁོ་རང་སྔོན་ཆད་ཡོད་ལ་ད་ལྟ་མེད་ཀྱང་ཕྱིས་སུ་ཡོང་བར་འགྱུར་བའི་ཕྱིར་རོ༎