2 Chronicles 32:5 — Compare Translations
5 translations compared side by side
Cebuano 1999
Naningkamot si Ezequias pagtrabaho ug gitukod niya ang tanang kota nga nangatumpag ug sa ibabaw niini gitukod ang mga tore ug sa gawas niini gihimo niya ang laing kota. Gilig-on niya ang panalipod sa Siyudad ni David. Naghimo usab siya ug mga hinagiban ug daghang mga taming.
Cebuano 2011
Siya naningkamot sa pagbuhat ug gitukod ang tanang kuta nga natumpag, ug nagpatindog ug mga tore diha niini ug gawas niini nagtukod siya ug laing kuta ug gipalig-on niya ang Milo diha sa siyudad ni David. Naghimo usab siya ug daghang mga hinagiban ug mga taming.
Cebuano APSD
Unya gipalig-on pa pag-ayo ni Ezequias ang iyang mga depensa pinaagi sa pagpaayo sa mga paril ug sa pagpatukod ug mga tore. Gipadoblehan pa gayod niya ug paril ang siyudad, ug gilig-on ang mubong bahin sa Lungsod ni David. Nagpahimo usab siyag daghang mga hinagiban ug mga taming.
Cebuano CBV
Ug siya nagmaisugon, ug gipahiuli ang tanang kuta nga nangagun-ob, ug gipataas kini hangtud sa mga torre, ug ang uban nga kuta sa gawas, ug gipalig-on ang Milo nga diha sa ciudad ni David, ug naghimo sa mga hinagiban ug mga taming nga daghan.
Cebuano RCPV 1999 (Ang Bag-ong Maayong Balita Biblia)
Naningkamot si Ezequias pagtrabaho ug gitukod niya ang tanang kota nga nangatumpag ug sa ibabaw niini gitukod ang mga tore ug sa gawas niini gihimo niya ang laing kota. Gilig-on niya ang panalipod sa Siyudad ni David. Naghimo usab siya ug mga hinagiban ug daghang mga taming.