2 Kings 23:30 — Compare Translations

Cebuano 1999

Unya gidala sa mga sundalo ni Josias ang iyang patayng lawas sakay sa karwahi paingon sa Jerusalem ug gilubong sa lubnganan sa mga hari. Si Joacas, ang anak ni Josias, gidihogan sa mga tawo ug gihimong hari puli sa iyang amahan.

Cebuano 2011

Ug ang iyang mga sulugoon nagbutang sa iyang patayng lawas diha sa usa ka karwahi gikan sa Megido ug gidala siya ngadto sa Jerusalem, ug gilubong siya didto sa iyang kaugalingong lubnganan. Ug ang katawhan sa yuta mikuha kang Jehoahas nga anak ni Josias ug gidihogan siya ug gihimo siya nga hari puli sa iyang amahan.

Cebuano APSD

Gikarga sa iyang mga alagad ang iyang patayng lawas sa karwahi balik sa Jerusalem, ug gilubong sa iyang kaugalingong lubnganan. Ang iyang anak nga si Jehoahaz mao ang gipuli sa katawhan sa Juda nga hari pinaagi sa pagdihog kaniya ug lana.

Cebuano CBV

Ug gitungtong siya nga patay sa iyang mga alagad diha sa usa ka carro sukad sa Megiddo, ug gidala siya ngadto sa Jerusalem, ug gilubong siya sa iyang kaugalingong lubnganan. Ug ang katawohan sa yuta mingkuha kang Joachaz, ang anak nga lalake ni Josias, ug gidihogan siya, ug gihimo siya nga hari ilis sa iyang amahan.

Cebuano RCPV 1999 (Ang Bag-ong Maayong Balita Biblia)

Unya gidala sa mga sundalo ni Josias ang iyang patayng lawas sakay sa karwahi paingon sa Jerusalem ug gilubong sa lubnganan sa mga hari. Si Joacas, ang anak ni Josias, gidihogan sa mga tawo ug gihimong hari puli sa iyang amahan.