Deuteronomy 24:7 — Compare Translations
5 translations compared side by side
Cebuano 1999
“Kon may hisakpan nga nanagit sa iyang isigka-Israelita aron iyang ulipnon o ibaligya, ang nagdagit kinahanglang patyon. Sa ingon mawagtang ang daotan gikan sa inyong katilingban.
Cebuano 2011
“Kon ang usa ka tawo masakpan nga nanagit sa usa sa iyang mga igsoon sa katawhan sa Israel, ug kon nag-isip siya niini ingon nga ulipon o iyang gibaligya, ang nagdagit patyon. Sa ingon niini puohon ninyo ang daotan sa inyong taliwala.
Cebuano APSD
“Kon madakpan ang usa ka tawo nga nangidnap sa iyang isigka-Israelinhon ug gihimo niya kining ulipon o iya kining gibaligya, kinahanglan nga patyon ang nangidnap. Kinahanglan nga wad-on ninyo kining daotang buhat diha kaninyo.
Cebuano CBV
Kong may tawo nga hikaplagan nga mangawat sa bisan kinsa sa iyang igsoon sa mga anak sa Israel, ug pagapatigayonon niya siya ingon nga ulipon, kun iyang igabaligya siya; ang maong kawatan mamatay, niini nga paagi pagkuhaon mo ang dautan sa taliwala mo.
Cebuano RCPV 1999 (Ang Bag-ong Maayong Balita Biblia)
“Kon may hisakpan nga nanagit sa iyang isigka-Israelita aron iyang ulipnon o ibaligya, ang nagdagit kinahanglang patyon. Sa ingon mawagtang ang daotan gikan sa inyong katilingban.