Exodus 38:17 — Compare Translations

Cebuano 1999

Ang sukaranan sa tulo ka haligi mga bronsi apan ang mga kaw-itanan sa mga haligi, ang mga bangan niini ug ang tabon sa mga tumoy niini mga plata.

Cebuano 2011

Ang mga tungtonganan sa mga haligi hinimo gikan sa bronsi. Ang mga tumoy sa mga haligi ug ang mga bangan niini binuhat sa plata ug ang gisapaw sa mga kaw-it niini plata ug ang tanang mga haligi sa hawanan adunay mga bangan nga plata.

Cebuano APSD

Ang mga tungtonganan sa mga haligi bronsi, ug ang mga kaw-it ug mga kabilya niini hinimo sa plata. Ang mga ulo-ulo sa mga haligi gihaklapan ug plata. Ang tanang haligi sa palibot sa hawanan adunay mga kabilya nga plata.

Cebuano CBV

Ug ang mga ugbokanan sa mga haligi binuhat sa tumbaga; ang mga sab-onganan sa mga haligi, ug ang mga tarogo niini binuhat sa salapi: ug ang mga hal-up sa mga sab-onganan niini binuhat sa salapi: ug ang tanan nga mga haligi sa sawang adunay mga tarogo nga salapi.

Cebuano RCPV 1999 (Ang Bag-ong Maayong Balita Biblia)

Ang sukaranan sa tulo ka haligi mga bronsi apan ang mga kaw-itanan sa mga haligi, ang mga bangan niini ug ang tabon sa mga tumoy niini mga plata.