Ezekiel 5:17 — Compare Translations
5 translations compared side by side
Cebuano 1999
Padad-an ko kamog bangis nga mga mananap ug tukbon nila ang inyong kabataan. Padad-an ko usab kamog gutom. Mahiagom kamo sa kamatay ug sa espada. Ako, ang Ginoo, maoy nagsulti niini.”
Cebuano 2011
Busa magpadala ako kaninyo ug gutom ug bangis nga mga mananap, ug kini mosakmit sa inyong kabataan ug ang kamatay ug ang dugo molatas kaninyo, ug magdala ako ug espada diha kaninyo. Ako, ang Ginoo, nagsulti niini.”
Cebuano APSD
Gawas sa kagutom, padad-an ko usab kamo ug mabangis nga mga mananap ug pamatyon nila ang inyong mga anak. Mangamatay usab kamo sa mga balatian ug sa gubat. Ako, ang Ginoo, ang nag-ingon niini.”
Cebuano CBV
Ug ipadala ko kaninyo ang gutom ug dautan nga mga mananap, ug sila magapasubo kanimo; ug ang kamatay ug ang dugo molatas kanimo; ug magadala ako ug espada diha kanimo: Ako, si Jehova, namulong niini.
Cebuano RCPV 1999 (Ang Bag-ong Maayong Balita Biblia)
Padad-an ko kamog bangis nga mga mananap ug tukbon nila ang inyong kabataan. Padad-an ko usab kamog gutom. Mahiagom kamo sa kamatay ug sa espada. Ako, ang Ginoo, maoy nagsulti niini.”