Genesis 32:20 — Compare Translations

Cebuano 1999

“Ingna si Esau, ‘Ang imong sulugoon nga si Jacob nagsunod kanamo.’” Nagtuo si Jacob nga maluoy kaniya ang iyang igsoon tungod sa mga gasa nga iyang gipadala pag-una ug nga pasayloon siya ni Esau.

Cebuano 2011

Ug ingna siya ninyo, ‘Ania usab karon, ang imong alagad nga si Jacob, nagsunod kanamo.’ ” Kay siya naghunahuna, “Hupayon nako ang iyang kaligutgot pinaagi sa gasa nga nag-una kanako. Ug human niini, tan-awon nako ang iyang nawong, basin ug dawaton niya ako.”

Cebuano APSD

Ug gipahinumdoman niya sila nga dili kalimtan ang pag-ingon kang Esau nga anaa siya nagsunod. Kay matod ni Jacob sa iyang kaugalingon, “Pakalmahon ko si Esau pinaagi sa mga gasa nga akong ipadala pag-una. Basin pa ug inigkita namo pasayloon na niya ako.”

Cebuano CBV

Ug igaingon ninyo: Labut pa, ania karon, ang imong alagad nga si Jacob nagapaingon nganhi sa ulahi namo. Kay siya miingon: Pagahupayon ko ang iyang kaligutgut tungod sa gasa nga nagauna kanako; ug sa human niini, tan-awon ko ang iyang nawong; ug tingali pagadawaton kaha niya ako ug maayo.

Cebuano RCPV 1999 (Ang Bag-ong Maayong Balita Biblia)

“Ingna si Esau, ‘Ang imong sulugoon nga si Jacob nagsunod kanamo.’” Nagtuo si Jacob nga maluoy kaniya ang iyang igsoon tungod sa mga gasa nga iyang gipadala pag-una ug nga pasayloon siya ni Esau.