Isaiah 1:7 — Compare Translations
5 translations compared side by side
Cebuano 1999
Biniyaan na ang inyong nasod, gisunog ang inyong mga siyudad samtang kamo nagtan-aw; giamong-amongan sa mga langyaw ang inyong kaumahan ug nangagun-ob ang tanan.
Cebuano 2011
Ang inyong yuta nahimong awaaw, ang inyong kalungsoran nangasunog; sa inyong atubangan ang mga langyaw naglamoy sa inyong yuta; ug nahimo kining awaaw ingon nga daw gilumpag sa mga langyaw.
Cebuano APSD
Naawaaw ang inyong nasod; ang inyong mga lungsod nangasunog. Samtang nagtan-aw kamo, panguhaon sa mga langyaw ang mga bunga sa mga tanom diha sa inyong uma. Pasipad-an nila ang inyong kaumahan hangtod nga dili na kini mapuslan.
Cebuano CBV
Ang inyong yuta nahimong kamingawan; ang inyong mga kalungsoran nasunog sa kalayo: sa inyong kaumahan, ang mga dumuloong naglamoy niana sa atubangan ninyo, ug nahimong kamingawan ingon nga linumpag sa mga lumalangyaw.
Cebuano RCPV 1999 (Ang Bag-ong Maayong Balita Biblia)
Biniyaan na ang inyong nasod, gisunog ang inyong mga siyudad samtang kamo nagtan-aw; giamong-amongan sa mga langyaw ang inyong kaumahan ug nangagun-ob ang tanan.