Isaiah 59:4 — Compare Translations
5 translations compared side by side
Cebuano 1999
Walay usa kaninyo nga miatubang sa korte sa matarong nga paagi, o may midangop sa hukmanan sa matarong nga tuyo. Misalig kamo sa mga pangatarongan nga walay unod; pamakak ray inyong nahibaloan; naglaraw kamog daotan ug misangpot kini sa kaalaotan.
Cebuano 2011
Walay nangaliyupo nga minatarong, walay naghangyo nga matinud-anon; sila nagsalig sa kakawangan ug nagsulti ug mga bakak, sila nagsamkon ug daotan ug nanganak ug kasal-anan.
Cebuano APSD
Wala kamoy hustisya. Ang inyong mga akusasyon batok sa inyong isigka-tawo walay kamatuoran. Nagplano kamog daotan, ug inyo kining tumanon.
Cebuano CBV
Walay naghangyo sa pagkamatarung, ug walay nagapangaliyupo sa kamatuoran: sila nagsalig kakawangan ug nagsulti ug mga bakak; sila nanamkon sa kadautan, ug nanganak sa kasal-anan.
Cebuano RCPV 1999 (Ang Bag-ong Maayong Balita Biblia)
Walay usa kaninyo nga miatubang sa korte sa matarong nga paagi, o may midangop sa hukmanan sa matarong nga tuyo. Misalig kamo sa mga pangatarongan nga walay unod; pamakak ray inyong nahibaloan; naglaraw kamog daotan ug misangpot kini sa kaalaotan.