Judges 6:28 — Compare Translations

Cebuano 1999

Sayo sa buntag sa pagmata sa mga tawo sa lungsod, nakita nila nga naguba na ang halaran alang kang Baal ug ang tukon ni Asera. Nakita usab nila ang ikaduhang torong baka nga gisunog ibabaw sa halaran nga gipuli pagtukod didto.

Cebuano 2011

Sa diha nga ang mga tawo sa lungsod misayo pagmata sa pagkabuntag, nakita nila nga ang halaran ni Baal natumpag na ug ang Asera nga tupad niini naputol na ug ang ikaduha nga torong baka gihalad ibabaw sa halaran nga gitukod.

Cebuano APSD

Pagkabuntag, maoy nakita sa mga tawo nga guba na ang halaran ni Baal, ug putol na ang poste sa diosa nga si Ashera. Nakita usab nila ang baka nga gihalad didto sa bag-ong hinimo nga halaran.

Cebuano CBV

Ug sa diha nga misayo pagmata sa buntag ang mga tawo sa ciudad, ania karon, ang halaran ni Baal nabungkag na, ug ang Ashera nga tupad niana gipuril, ug ang ikaduha ka torong vaca gihalad sa ibabaw sa halaran nga gitukod.

Cebuano RCPV 1999 (Ang Bag-ong Maayong Balita Biblia)

Sayo sa buntag sa pagmata sa mga tawo sa lungsod, nakita nila nga naguba na ang halaran alang kang Baal ug ang tukon ni Asera. Nakita usab nila ang ikaduhang torong baka nga gisunog ibabaw sa halaran nga gipuli pagtukod didto.