Leviticus 25:46 — Compare Translations
5 translations compared side by side
Cebuano 1999
Mahimong ihatag ninyo sila sa inyong mga anak ingon nga kabilin nga ilang mapanunod hangtod sa hangtod. Makahimo kamo sa pag-ulipon kanila apan ayaw daugdaoga ang inyong isigka-Israelita.
Cebuano 2011
Mahimo ninyo silang ipasunod alang sa inyong mga anak ingon nga kabilin nga ilang mapanag-iya sa dayon, mahimo silang ulipon ninyo. Apan sa inyong mga igsoon, ang katawhan sa Israel, ayaw kamo pagmando uban ang kapintas.
Cebuano APSD
Mahimo ninyo silang kabilin sa inyong mga anak ug mag-alagad sila kanila sa tibuok nilang kinabuhi. Apan ayaw gayod ninyo daog-daoga ang inyong isigka-Israelinhon nga nahimo ninyong ulipon.
Cebuano CBV
Ug sila himoon ninyo nga sa usa ka kabilin alang sa inyong mga anak sa ulahi ninyo, nga ilang mapanag-iya: gikan kanila kuhaon ninyo ang inyong mga ulipon nga sa walay katapusan; apan sa ibabaw sa inyong mga igsoon, ang mga sa Israel, dili kamo magpakaagalon nga may kagahi, ang tagsatagsa sa ibabaw sa usa ug usa.
Cebuano RCPV 1999 (Ang Bag-ong Maayong Balita Biblia)
Mahimong ihatag ninyo sila sa inyong mga anak ingon nga kabilin nga ilang mapanunod hangtod sa hangtod. Makahimo kamo sa pag-ulipon kanila apan ayaw daugdaoga ang inyong isigka-Israelita.