Numbers 29:13 — Compare Translations

Cebuano 1999

Unya paghalad kamog mga halad nga inyong sunogon aron maghatag kinig kahumot alang sa Ginoo: 13 ka toriyong baka, duha ka torong karnero ug 14 ka laking karnero nga usa ka tuig ang kagulangon ug walay tatsa.

Cebuano 2011

Ug kamo maghalad ug usa ka halad nga sunogon, usa ka halad pinaagi sa kalayo, usa ka kahumot alang sa Ginoo: napulo ug tulo ka nating baka nga laki, duha ka laking karnero, napulo ug upat ka nating karnero nga laki nga tagsa ka tuig ang kagulangon, kini kinahanglang walay tatsa.

Cebuano APSD

Sa nahaunang adlaw sa pista, paghalad kamo ug mga halad nga sinunog diin ang kahumot niini makapalipay sa Ginoo. Naglangkob kini: 13 ka nating torong baka, 2 ka hamtong nga laking karnero, ug 14 ka laking karnero nga tagsa ka tuig ang edad. Kining tanan kinahanglan walay depekto.

Cebuano CBV

Ug kamo magahald ug usa ka halad-nga-sinunog, usa ka halad nga hinimo pinaagi sa kalayo, sa usa ka kahumot alang kang Jehova; napulo ug tolo ka nating lake sa vaca, duruha ka lakeng carnero, napulo ug upat ka nating lake sa carnero nga may usa ka tuig ang kagulangon; sila mga walay ikasaway;

Cebuano RCPV 1999 (Ang Bag-ong Maayong Balita Biblia)

Unya paghalad kamog mga halad nga inyong sunogon aron maghatag kinig kahumot alang sa Ginoo: 13 ka toriyong baka, duha ka torong karnero ug 14 ka laking karnero nga usa ka tuig ang kagulangon ug walay tatsa.