1 Chronicles 28:1 — Compare Translations

Dyula Bible (ALA KA KUMA)

Masacɛ Dawuda ye Isirayɛlidenw ka ɲamɔgɔw bɛɛ lajɛn Zeruzalɛmu. Isirayɛlidenw kɔmɔgɔw ɲamɔgɔw, ni kɛlɛdenw ka jɛnkuluw ɲamɔgɔ minw be masacɛ ka baara la, kɛlɛden waa kelen kelen kuntigiw ni kɛmɛ kɛmɛ kuntigiw, ani masacɛ n'a deenw ka nafolo n'u ka begɛnw bɛɛ marabagaw, ni a ka soo kɔnɔ baarakɛlaw, ni cɛfariw ani mɔgɔbabaw bɛɛ.

Dyula Bible (Jula NT of Côte d’Ivoire)

Dawuda ka Izirayɛli jamana ɲamɔgɔw bɛɛ lajɛn Zeruzalɛmu, ani a maraw ta kuntigiw, ani masacɛ ta baaradenw kuntigiw, ani kɛrɛkuntigi minw bɛ cɛ waga kelen kelen kunna, ani minw bɛ cɛ kɛmɛ kɛmɛ kunna, ani a ta fɛnmarabagaw kuntigiw, ani masacɛ ni a dencɛw ta bɛganmarabagaw kuntigiw, ani masaso ta fagamaw, ani kɛrɛkɛcɛfariw, ani cɛ barakamanw bɛɛ.