2 Chronicles 12:13 — Compare Translations

Dyula Bible (ALA KA KUMA)

Masacɛ Orobowamu sigira ka ɲa Zeruzalɛmu, a tora masaya la. Yanni a ka kɛ masacɛ ye, a sii tun sera saan bi naani ni kelen ma. A ye saan tan ni wolonwula kɛ masaya la Zeruzalɛmu, Masaba tun ye dugu min woloma Isirayɛlidenw ka duguw bɛɛ cɛma, k'a tɔgɔ la a kan. A bamuso tɔgɔ tun ko Naama, amonimuso tun lo.

Dyula Bible (Jula NT of Côte d’Ivoire)

Ayiwa, Masacɛ Robohamu k’a ta fanga sabati kosɛbɛ Zeruzalɛmu, ka to masaya ra. A tun sigira masaya ra k’a si to san binaani ni kelen. A ka san tan ni wolonfla le kɛ masaya ra Zeruzalɛmu; Matigi Ala tun ka o dugu le ɲanawoloma Izirayɛli ta maraw bɛɛ ra, k’a tɔgɔ sigi o yɔrɔ ra. A bamuso tɔgɔ tun ye ko Naama. Amɔnka tun lo.