2 Corinthians 9:2 — Compare Translations

Dyula Bible (ALA KA KUMA)

Ne b'a lɔn ko aw sɔnnin lo, o le y'a to ne ye n yɛrɛ boɲa aw kosɔn Krista ka jamakuluw cɛma minw be Maseduwani mara la. Ne y'a fɔ u ye ko aw Akayikaw ka bolomafara labɛnna ka ban kabini salon. O la, aw ka jijali y'a kɛ Krista ka jama caaman banbana.

Dyula Bible (Jula NT of Côte d’Ivoire)

Sabu aw labɛnnin bɛ o baara kama cogo min na, ne ka o lɔn. Ne bɛ aw tando o ra Masedoni lanabagaw ɲa na. Ne k’a fɔ o ye ko kabini salon Akayi jamana lanabagaw labɛnnin lo ka Ala ta mɔgɔw dɛmɛ. O jusu min bɛ aw ra, o le ka dɔ fara mɔgɔ caman ta timinadiya kan.

Dyula Bible (LAYIDUKURA)

Ne b'a lɔn ko aw sɔnnin lo, o le y'a to ne ye n yɛrɛ bonya aw koo la Ala ka mɔgɔw cɛma. Olu minw bɛ Maseduwani mara la. Ne y'a fɔ u ye ko aw Akayikaw ka bolomafara labɛnna ka ban kabini salon. O cogo la, aw ka jijali y'a kɛ Ala ka jama caaman banbana.