Acts 16:37 — Compare Translations

Dyula Bible (ALA KA KUMA)

Nga Pɔli y'a fɔ u ye ko: «U y'an bugɔ jama ɲana k'an don kaso la k'a sɔrɔ an ye Ɔrɔmukaw ye. Jalakikun fana ma sɔrɔ an na. Sisan, u b'a fɛ k'an bɔ dogodogo la. O te kɛ! Fɔɔ olu yɛrɛ ka na an bɔ.»

Dyula Bible (Jula NT of Côte d’Ivoire)

Pɔli k’a fɔ o sorasiw ye ko: «An minw ye Rɔmu jamanadenw ye, o ka an bugɔ jama bɛɛ ɲa na, k’a sɔrɔ an ta kiti ma tigɛ; o kɔ, o ka an bla kaso ra. Sisan o b’a fɛ ka an labla dogo ra wa? O tɛ se ka kɛ fiyewu, fɔ olugu yɛrɛ le ye na ka na an labɔ.»

Dyula Bible (LAYIDUKURA)

Nga Pɔli y'a fɔ u ye ko: “U y'an bugɔ jama nyana k'an don kaso la k'a sɔrɔ an ye Ɔrɔmukaw ye. Jalakikun fana ma sɔrɔ an na. Anhaan! Sisan, u b'a fɛ k'an bɔ kaso la dogodogo la. O tɛ kɛ! Fɔɔ olu yɛrɛ ka na an bɔ.”