Ezekiel 17:15 — Compare Translations

Dyula Bible (ALA KA KUMA)

Nga masacɛ dɔ nin nana muruti a ma ka mɔgɔw ci ka taga Ezipiti janko Ezipitikaw ka soow ni kɛlɛden caaman ci a ma. Mɔgɔ min be nin ɲɔgɔn kɛ, yala o tigi ka koo be se ka ɲa wa? A be se ka kisi wa? A ye bɛɛn cɛn, a bena bɔyɔrɔ sɔrɔ cogo di?

Dyula Bible (Jula NT of Côte d’Ivoire)

Nka o kuntigi nana muruti Nebukadinɛsari ma. A ka mɔgɔ dɔw ci ka taga Misiran, ko Misiran masacɛ ye so caman ni kɛrɛkɛden caman di ale ma. Ayiwa, yala a bɛna se sɔrɔ wa? Kuntigi min ka o ko ɲɔgɔn kɛ, yala o bɛna bɔsi wa? Yala a bɛna bɔsi k’a sɔrɔ a ka jɛnɲɔgɔnya cɛn wa?