Ezekiel 45:7 — Compare Translations

Dyula Bible (ALA KA KUMA)

Ɲamɔgɔ niyɔrɔ bena kɛ ne ka yɔrɔ ni dugu sigiyɔrɔ faan fila la. A ka yɔrɔ kelen bena kɛ ne ka yɔrɔ ni dugu sigiyɔrɔ tileben fɛ, a daan ka kɛ Kɔgɔji ye, kelen ka kɛ u kɔrɔn fɛ, a daan ka kɛ jamana daan ye kɔrɔn fɛ. A niyɔrɔ dugukolo jaɲa ni Isirayɛli deen tan ni fila nunu kɔmɔgɔ dɔ ta ka kɛ kelen ye.

Dyula Bible (Jula NT of Côte d’Ivoire)

«Min ye jamana kuntigi ye, aw bɛna yɔrɔ fla le di ale ma. Yɔrɔ kelen bɛ kɛ dugukolo saninman ni dugu terebenyanfan na, ka taga a bla fɔ kɔgɔjiba ra, yɔrɔ tɔ kelen bɛ kɛ dugukolo saninman ni dugu terebɔyanfan na, ka taga se fɔ Izirayɛli jamana dan ma terebɔyanfan na. Kuntigi ta yɔrɔw bɛɛ kelen kelen bonya ka kan ka kɛ i ko Izirayɛlimɔgɔ tɔw ta maraw bonya.