Ezra 3:8 — Compare Translations

Dyula Bible (ALA KA KUMA)

U senin Zeruzalɛmu, Ala ka soo, o saan filanan kalo filanan na, Salatiyɛli dencɛ Zorobabɛli ni Yozadaki dencɛ Zozuwe, n'u tɔɲɔgɔn sarakalasebaga tɔw ani Levi kɔmɔgɔ tɔw, ni mɔgɔ minw bɛɛ kɔsegira ka na Zeruzalɛmu ka bɔ jɔnya la, u ye baara daminɛ, k'a fɔ Levi kɔmɔgɔw ye minw sii sera saan mugan ma ani ka tɛmɛ o kan, ko u ka sigi Masaba ka soo lɔbaara kunna.

Dyula Bible (Jula NT of Côte d’Ivoire)

Izirayɛlimɔgɔw sera Ala ta batoso yɔrɔ ra Zeruzalɛmu san min na, o san flanan na, ani o san karo flanan na, o ka baara damina. Minw ka baara damina, o tun ye Sehalitiyɛli dencɛ Zorobabɛli ye, ani Yosadaki dencɛ Yosuwe, ani o balema tɔw, minw ye sarakalasebagaw* ni Levi* ta mɔgɔw ye, ani minw bɛɛ tun sekɔra ka na Zeruzalɛmu. Levi ta mɔgɔ minw tun ka san mugan sɔrɔ, ani minw tun tɛmɛna o kan, o ka olugu ci ko o ye Matigi Ala ta batoso lɔri baaraw kɔrɔsi.