Hebrews 4:3 — Compare Translations

Dyula Bible (ALA KA KUMA)

An minw y'an jigi la a kan, an bena don o lafiɲɛyɔrɔ nin na, Ala y'a fɔ min koo la ko: «Dimikojugu fɛ, ne y'a fɔ k'a gwɛlɛya ko u tena sɔrɔ ka don n ka lafiɲɛyɔrɔ la.» Ayiwa, koo bɛɛ tun labɛnna ka ban diɲɛ dantuma na.

Dyula Bible (Jula NT of Côte d’Ivoire)

Nka anw minw lara Yesu ra, anw bɛna don o nɛnɛkiriyɔrɔ ra, i n’a fɔ Ala k’a fɔ cogo min na, ko: «Ne dimikojugu fɛ, ne karira ko: O tɛna don ne ta nɛnɛkiriyɔrɔ ra fiyewu.» Ala ka o kumaw fɔ k’a sɔrɔ a tun ka fɛn bɛɛ dan ka ban kabini dunuɲa dantuma na;

Dyula Bible (LAYIDUKURA)

An minw y'an jigi la a kan, an bɛna don o lafinyɛyɔrɔ nin na, Ala y'a fɔ o min koo la ko: “Dimikojugu fɛ, ne y'a fɔ ko u tɛna sɔrɔ ka don n ka lafinyɛyɔrɔ la.” Ayiwa, koo bɛɛ tun labɛnna ka ban dinyɛ dantuma na.