Isaiah 29:8 — Compare Translations

Dyula Bible (ALA KA KUMA)

O bena kɛ i ko kɔngɔtɔ min be sikora ko a be dumuni kɛra. Nga a mana kunun, a kɔnɔ lakolon lo. Walima minnɔgɔtɔ min be sikora ko a be jii minna. Nga a mana kunun, a kankɔrɔla janin lo, a fanga dɛsɛnin be. Siya caaman minw bɛɛ be * Siyɔn kulu kɛlɛla, olu bɛɛ ka koo bena kɛ ten.

Dyula Bible (Jula NT of Côte d’Ivoire)

Mɔgɔ min kɔngɔtɔ bɛ sunɔgɔ, ka siko ko a bɛ domuni kɛra, ka na kunu k’a sɔrɔ a kɔnɔbara lakolon lo, walama mɔgɔ min minlɔgɔtɔ bɛ sunɔgɔ, ka siko ko a bɛ ji minna, ka na kunu, k’a sɔrɔ a sɛgɛninba lo, a kan janin lo, ayiwa, siya caman minw bɛɛ bɛ Siyɔn kuru kɛrɛra, olugu ta bɛna kɛ ten le.