Joshua 7:13 — Compare Translations

Dyula Bible (ALA KA KUMA)

Wili ka jama labɛn u k'u yɛrɛ saniya. A fɔ u ye ko: ‹Aw k'aw yɛrɛ saniya sini kama, bari Masaba, Isirayɛli ka Ala y'a fɔ ko fɛɛn minw bilara ka kɛ ale ta ye, u dɔ be aw Isirayɛlidenw bolo, o kama, aw tena se ka lɔ aw juguw ɲafɛ n'o fɛɛn nunu b'aw fɛ.

Dyula Bible (Jula NT of Côte d’Ivoire)

Ala k’a fɔ Yosuwe ye tuun ko: «Wuri ka Izirayɛlimɔgɔw saninya. A fɔ o ye ko: ‹Aw ye aw yɛrɛ saninya sani sini cɛ, sabu Matigi Ala, Izirayɛli ta Ala ko: Izirayɛlimɔgɔw, fɛn haramunin bɛ aw cɛ ra; o kosɔn aw tɛna se ka lɔ aw juguw ɲa tuun, fɔ fɛn haramunin min bɛ aw fɛ ni aw ka o labɔ aw cɛ ra.