Matthew 2:9 — Compare Translations

Dyula Bible (ALA KA KUMA)

Masacɛ tilara a ka kuma na tuma min na, u ye sira minɛ. K'u to taama na, u tun ye lolo min ye k'u to kɔrɔn fɛ, u y'o ye u ɲafɛ tugu. Denɲɛnin tun be yɔrɔ min na, lolo nin bilara u ɲafɛ fɔɔ ka taga lɔ o yɔrɔ sanfɛ.

Dyula Bible (Jula NT of Côte d’Ivoire)

Lɔnnikɛbagaw ka masacɛ ta kumaw mɛn minkɛ, o tagara. O tagatɔ, o tun ka lolo min ye terebɔyanfan na, o lolo kelen blara o ɲa. Den tun bɛ yɔrɔ min na, lolo tagara se o yɔrɔ kunna minkɛ, a lɔra.

Dyula Bible (LAYIDUKURA)

Masacɛ tilanna a ka kuma na tuma min na, u ye sira minɛ. K'u to taama na, u tun ye lolo min ye k'u to kɔrɔn fɛ, u y'o ye u nyafɛ tugu. Dennyɛnin tun bɛ yɔrɔ min na, lolo nin bilara u nyafɛ fɔɔ ka taa lɔ o yɔrɔ sanfɛ.