Revelation 17:8 — Compare Translations

Dyula Bible (ALA KA KUMA)

I ye sogo min ye, a tun be yen fɔlɔ la, nga sisan a te yen tugu, A bena na bɔ dingɛjugu la ka taga halakiyɔrɔ. Kabini diɲɛ dantuma, adamaden minw tɔgɔ te Ala ka sɛbɛ kɔnɔ, olu bɛɛ bena sogo nin ye, ka kabakoya a ka koo la, bari a tun be yen fɔlɔ la, nga sisan a te yen tugu. O n'a ta bɛɛ, a bena na tugu.

Dyula Bible (Jula NT of Côte d’Ivoire)

I ka wara min ye, o wara tun bɛ yi fɔlɔfɔlɔ, nka sisan a tɛ yi tuun. A bɛna yɛlɛn ka bɔ jahanama kɔnɔ ka taga halaki le. Dugukolo mɔgɔ minw tɔgɔ tun ma sɛbɛ ɲanamanya kitabu kɔnɔ kabini dunuɲa danwagati ra, ni olugu nana wara ye, o bɛna kabakoya, sabu a tun bɛ yi fɔlɔfɔlɔ, sisan a tɛ yi tuun, nka a bɛna bɔ tuun kokura.

Dyula Bible (LAYIDUKURA)

I ye Sogo min ye, a tun bɛ yen fɔlɔ la, nga sisan a tɛ yen tugu, A bɛna na bɔ Dingɛjugu la ka ta'a halakiyɔrɔ. Kabini dinyɛ dantuma, adamaden minw tɔgɔ tɛ Ala ka sɛbɛ kɔnɔ, olu bɛɛ bɛna Sogo nin ye, ka kabakoya a koo la, bari a tun bɛ yen fɔlɔ la, nga sisan a tɛ yen tugu. O n'a ta bɛɛ, a bɛna na tugu.