1 Chronicles 4:41 — Compare Translations

Ewe (Agbenya La) 2020

Ame siwo ƒe ŋkɔ woŋlɔ da ɖi la va le Yuda Fia Hezekia ƒe fiaɖuɣi. Woho aʋa ɖe Hamitɔwo ŋu le woƒe nɔƒewo nenema ke nye Meunitɔ siwo nɔ afi ma eye wotsrɔ̃ wo keŋkeŋ abe ale si wòle dzedzem egbe ene. Wonɔ woƒe nɔƒe elabena lãnyiƒe nɔ afi ma na woƒe lãhawo.

Ewe 1913 (Biblia alo Ŋɔŋlɔ Kɔkɔe La Le Eʋegbe Me 1913)

Tete amesiwo ŋkɔ woŋlɔ ɖi la, va gbã woƒe agbadɔwo, eye wowu Meunitɔ, siwo nɔ afima le Yuda-fia Xizkiya ŋɔli: wotsrɔ̃ wo gbidigbidi vaseɖe egbe henɔ wo teƒe, elabena lãnyiƒe le afima na woƒe lãwo.

Ewe 2014 (EƲEGBE BIBLIA)

Le Yuda-fia Xizkiya ƒe fiaɖuɣi la, ame siwo ŋkɔ woyɔ va yi la yi ɖadze afi ma nɔlawo dzi. Wogbã woƒe agbadɔwo kple woƒe aƒe siwo le afi ma la, eye wotsrɔ̃ wo keŋkeŋ. Woxɔ woƒe nɔƒe wòzu wo tɔ va se ɖe egbe elabe lãnyiƒe nyuiwo le afi ma na woƒe lãhawo.