1 Corinthians 8:1 — Compare Translations

Ewe (Agbenya La) 2020

Miaƒe biabia bubu hã ku ɖe nuɖuɖu siwo woɖa tsɔ sa vɔe na legbawo. Enye nyateƒe be nunyalawoe mí katã míenye. Nunya hea ɖokuidodoɖedzi vanɛ, ke lɔlɔ̃ tua amewo ɖo.

Ewe 1913 (Biblia alo Ŋɔŋlɔ Kɔkɔe La Le Eʋegbe Me 1913)

Ke le trɔ̃wo ƒe vɔsawo ŋuti la mienyae bena, sidzedze li na mi katã. Sidzedze la doa ame ɖe dzi, ke lɔlɔ̃ la tua ame.

Ewe 2014 (EƲEGBE BIBLIA)

Fifia la, medi be maƒo nu tso nuɖuɖu si wotsɔ sa vɔe na trɔ̃wo la ŋuti. Míenya baa be nunya le mí katã mía si. Gake “Nunya” ɖe wònana be ame doa eɖokui ɖe dzi, ke lɔlɔ̃ ya, ɖe wòtua ame ɖo.

Ewe BEV (Agbenya La) 2006

Miaƒe biabia bubu hã ku ɖe nuɖuɖu siwo woɖa hena trɔ̃wo kple legbawo la ɖuɖu ŋu. Mia dometɔ ɖe sia ɖe le gbɔgblɔm be yeƒe susu le nya sia ŋue nye nyuitɔ. Miɖo ŋku edzi be nu si le vevie na hamea tutuɖo lae nye lɔlɔ̃ ke menye ɖokuidodoɖedzi be menye esia kple ekemɛ o.