1 John 2:27 — Compare Translations

Ewe (Agbenya La) 2020

Ke miawo la, amisisi si miexɔ tso egbɔ la nɔa mia me, eye megahiã be ame aɖeke nafia nu mi o, elabena eƒe ami sisi la fiaa nu mi tso nuwo katã ŋuti, eye esi ami sisi sia nye nyateƒetɔ, eye menye aʋatsotɔ o ta la, minɔ eya amea me, abe ale si wòfia mi ene.

Ewe 1913 (Biblia alo Ŋɔŋlɔ Kɔkɔe La Le Eʋegbe Me 1913)

Eye miawo la, amisisiname, si miexɔ le egbɔ la, nɔa mia me, eye mehiã mi be, amea ɖeke nafia nu mi o, ke boŋ abe alesi amisisi ma ke fia nu mi le nuwo katã ŋuti ene la, nenema ke hã wònye nyateƒe, eye menye aʋatso o; eye abe alesi wofia mi ene la, minɔ eme nenema ke.

Ewe 2014 (EƲEGBE BIBLIA)

Ke le miawo ya gome la, ami si Kristo si na mi la gale mia me ko eye mehiã be ame aɖeke nagafia nu mi o. Elabe eƒe amisisi la fiaa nu sia nu mi, eye nu si wòfiana la menye alakpa o, ke boŋ nyateƒe ɖeɖe sɔŋ ye. Eya ta milé nu si wòfia mi la me ɖe asi, ne mianɔ Kristo me.

Ewe BEV (Agbenya La) 2006

Ke miawo la, amisisi si miexɔ tso egbɔ la, nɔa mia me eye megahĩa be ame aɖeke nafia nu mi o, elabena eƒe amisisi la fiaa nu mi tso nuwo katã ŋuti eye esi amisisi sia nye nyateƒetɔ eye menye aʋatsotɔ o ta la, minɔ eya amea me, abe ale si wòfia mi ene.