1 Kings 10:9 — Compare Translations

Ewe (Agbenya La) 2020

Woakafu Yehowa, wò Mawu, ame si tia wò eye wòtsɔ wò da ɖe Israel ƒe fiazikpui dzi. Yehowa ƒe lɔlɔ̃ mavɔ na Israel wɔe be, wòtsɔ wò na wo abe woƒe fia ene be nàdrɔ̃ ʋɔnu dzɔdzɔe eye nàɖu wò amewo dzi le mɔ dzɔdzɔe nu!”

Ewe 1913 (Biblia alo Ŋɔŋlɔ Kɔkɔe La Le Eʋegbe Me 1913)

Woakafu Yehowa, wò Mawu, amesi ŋu wò nu nyo, eye wotsɔ wò ɖo Israel-fiazikpui la dzi. Esi Yehowa lɔ̃ Israel tegbee ŋuti la, eyata wòtsɔ wò ɖo fia, be nadrɔ̃ ʋɔnu, eye nawɔ nu dzɔdzɔe.

Ewe 2014 (EƲEGBE BIBLIA)

Edze be woakafu Aƒetɔ, wò Mawu be wò nu nyo eŋu eye wòtsɔ wò ɖo Israel-fiazikpui dzi. Lɔlɔ̃ mavɔ wòtsɔ lɔ̃ Israel, eya tae wòtsɔ wò ɖo fia ɖe wo nu be nàdrɔ̃ ʋɔnu dzɔdzɔe ahawɔ nu dzɔdzɔe.”