1 Samuel 14:41 — Compare Translations

Ewe (Agbenya La) 2020

Ale Saul do gbe ɖa na Yehowa, Israel ƒe Mawu la be. “Nu ka ŋuti mètɔ na wò dɔla egbea o? Ne vodada la le menye alo vinye, Yonatan me la, ekema ɖo eŋu na mí to Urim dzi, gake nenye Israelviwo mee agɔdzedze la le la, tɔ na mí to Tumim dzi.” Ale wodzidze nu ɖe Yonatan kple Saul dzi eye wòdze wo dzi ale womebu fɔ ameawo o.

Ewe 1913 (Biblia alo Ŋɔŋlɔ Kɔkɔe La Le Eʋegbe Me 1913)

Eye Saul gblɔ na Yehowa bena: Israel ƒe Mawu, ɖe nyateƒe ɖe go! Tete nudzidze la lé Yonatan kple Saul; ke dukɔ la to le eme.

Ewe 2014 (EƲEGBE BIBLIA)

Eya ta Saul gblɔ be: “O Aƒetɔ, Israel ƒe Mawu, nu ka ta mèɖo nya aɖeke ŋu na wò dɔla egbe o? Nenye nye alo vinye Yonatan ye wɔ nuvɔ̃ la, Urim neɖee fia. Ke nenye Israel-dukɔ gbɔ wòtso la, ekema Tumim neɖee fia.” Tete nudzidze la lé Yonatan kple Saul; ke dukɔ la do le eme.