2 Chronicles 20:10 — Compare Translations

Ewe (Agbenya La) 2020

“Azɔ la, kpɔ nu si Amon ƒe viwo, Moabtɔwo kple Seirtɔwo ƒe aʋakɔwo le wɔwɔm ɖa. Mèna mía tɔgbuiwo wɔ aʋa kpli wo esime Israel dzo le Egipte o, ale míeƒo xlã to wo ŋu eye míetsrɔ̃ wo o.

Ewe 1913 (Biblia alo Ŋɔŋlɔ Kɔkɔe La Le Eʋegbe Me 1913)

Azɔ kpɔ ɖa, Amon-viwo kple Moab-viwo kpakple amesiwo le Seir-towo dzi, amesiwo dome mèɖe mɔ na Israel, be woato, esime wotso Egipte o, ke boŋ wode axa na wo, eye wometsi wo o la,

Ewe 2014 (EƲEGBE BIBLIA)

Azɔ kpɔ ɖa, Amontɔwo kple Moabtɔwo kpakple Seir-todzitɔwo ho ɖe mia ŋu. Evɔ la, ame siawo dome mèɖe mɔ na Israel be woato, esime wotso Egipte o, ke boŋ wode axa na wo, eye wometsrɔ̃ wo o.