2 Chronicles 31:19 — Compare Translations

Ewe (Agbenya La) 2020

Wotia nunɔla ɖeka le du ɖe sia ɖe si me nunɔlawo, Aron ƒe viwo, nɔ la me be wòama nuɖuɖu kple nu bubuwo na nunɔla siwo le nuto me ma kple Levitɔ siwo katã ŋkɔ wode agbalẽ me.

Ewe 1913 (Biblia alo Ŋɔŋlɔ Kɔkɔe La Le Eʋegbe Me 1913)

Eye woɖe ŋutsu, siwo ŋkɔ woyɔ la, na Aron viwo, siwo nye nunɔlawo le woƒe lãnyiƒewo ƒe duwo me, ne woana nu nunɔlawo dome ŋutsu sia ŋutsu kpakple Lewi-vi, siwo katã ŋkɔ woŋlɔ ɖi.

Ewe 2014 (EƲEGBE BIBLIA)

Le nunɔla siwo le du siwo nye Aron ƒe dzidzimeviwo tɔ kple wo ŋu agbletawo gome la, woɖo ame tɔxɛwo ɖi be woama nuɖuɖua na wo. Ame siawo maa nuɖuɖu na ŋutsu siwo le nunɔlawo ƒe ƒomea me kple ame bubu siwo katã ƒe ŋkɔ le Levi viwo ƒe ƒomegbalẽa me la.