2 Chronicles 34:31 — Compare Translations

Ewe (Agbenya La) 2020

Fia la tsi tsitre ɖe sɔti la gbɔ le Yehowa ŋkume. Eɖe adzɔgbe na Yehowa be, yeadze eyome, alé eƒe sewo, ɖaseɖiɖiwo, kple ɖoɖowo me ɖe asi kple dzi blibo kple luʋɔ blibo, eye yeawɔ nubabla sia ƒe nya siwo katã woŋlɔ ɖe agbalẽ sia me la dzi.

Ewe 1913 (Biblia alo Ŋɔŋlɔ Kɔkɔe La Le Eʋegbe Me 1913)

Eye fia la tsi tre ɖe enɔƒe, eye wòbia nu kple Yehowa be, yeadze Yehowa yome, eye yealé eƒe sewo, ɖaseɖiɖiwo kple ɖoɖowo me ɖe asi tso dzi blibo kple luʋɔ blibo me, eye yeawɔ nubabla ƒe nyawo, esiwo woŋlɔ ɖe agbalẽ sia me la dzi.

Ewe 2014 (EƲEGBE BIBLIA)

Fia la tsi tsitre ɖe enɔƒe, eye wòbla nu kple Aƒetɔ be yeanɔ eyome, alé eƒe sewo, sededewo kple ɖoɖowo me ɖe asi tso dzi blibo kple luʋɔ blibo me. Edo ŋugbe be yeawɔ nubablaa ƒe nyawo dzi abe ale si woŋlɔ ɖe agbalẽa me la ene.