2 Kings 23:11 — Compare Translations

Ewe (Agbenya La) 2020

Eɖe sɔ siwo ŋuti Yuda fiawo kɔ na ɣelegba la ɖa le Yehowa ƒe gbedoxɔ ƒe mɔnu. Wonɔ xɔxɔnu si te ɖe dumegã aɖe si woyɔna be Natan Melek ƒe xɔnu. Ale Yosia tɔ dzo tasiaɖam siwo ŋuti wokɔ na ɣelegba la hã.

Ewe 1913 (Biblia alo Ŋɔŋlɔ Kɔkɔe La Le Eʋegbe Me 1913)

Eye wòde sɔ, siwo Yuda-fiawo do na ɣe la ɖa le Yehowa ƒe aƒe la me yi aƒemenu dzikpɔla Netan-Melex ƒe xɔ, si le dua godo la me; ke etɔ dzo ɣe ƒe tasiaɖamwo.

Ewe 2014 (EƲEGBE BIBLIA)

Eɖe sɔ siwo ŋu Yuda-fiawo kɔ̀ hena ɣesubɔsubɔ la ɖa, eye wòtɔ dzo ɣetasiaɖamwo. Wotsɔ nu siawo da ɖe Aƒetɔ ƒe aƒe la ƒe xɔxɔnu le agboa nu lɔƒo, eye teƒe sia medidi tso xɔ si me Natan-Melex aƒemenudzikpɔla nɔna la gbɔ o.