2 Kings 23:4 — Compare Translations

Ewe (Agbenya La) 2020

Ale Fia la ɖe gbe na nunɔlagã Hilkia kple nunɔla bubuawo kple agbonudzɔlawo be woaɖe nu siwo katã wowɔ na Baal, aƒeli kple dziƒoŋunuwo katã la ɖa le Yehowa ƒe gbedoxɔ me. Etɔ dzo wo le Yerusalem dua godo le Kidron balime eye wòlɔ dzofi la yi Betel.

Ewe 1913 (Biblia alo Ŋɔŋlɔ Kɔkɔe La Le Eʋegbe Me 1913)

Tete fia la de se na nunɔlagã Xilkiya kple nunɔlagã yometɔwo kpakple kpuinudzɔlawo, be woafɔ nusiwo katã wowɔ na Baal kple Asera kpakple dziƒonuwo katã la, ado goe le Yehowa ƒe xɔ la me; eye woɖatɔ dzo wo ɖe Yerusalem godo le Kidron-bali la me, eye wolɔ woƒe afi yi Betel.

Ewe 2014 (EƲEGBE BIBLIA)

Azɔ Yosiya ɖe gbe na nunɔlagã Xilkiya kple nunɔla siwo va ɖe eyome kpakple Aƒetɔ ƒe aƒe la ƒe mɔnudzɔlawo be woafɔ nu siwo katã ŋudɔ wowɔna subɔa Baal kple nyɔnumawu Asera kpakple dziŋgɔli me nuwo katã la do goe le Aƒetɔ ƒe aƒe la me. Etɔ dzo nuawo keŋ le Yerusalem godo le Kidron-bali me, eye wòlɔ afi la yi Betel.