2 Samuel 24:16 — Compare Translations

Ewe (Agbenya La) 2020

Esi mawudɔla la do eƒe asi ɖa be yeatsrɔ̃ Yerusalem la, dzɔgbevɔ̃e la ve Yehowa eye wògblɔ na mawudɔla si le nu gblẽm le ameawo dome la be, “Enyo gbɔ! Ɖe wò asi ɖa.” Yehowa ƒe dɔla la ɖo Arauna, Yebusitɔ la ƒe lugbɔƒe le ɣe ma ɣi me.

Ewe 1913 (Biblia alo Ŋɔŋlɔ Kɔkɔe La Le Eʋegbe Me 1913)

Esi mawudɔla la do eƒe asi ɖe Yerusalem dzi, be yeagblẽe la, vɔ̃ la ve Yehowa, eye wògblɔ na mawudɔla, si le nu gblẽm le dukɔa dome la bena: Esɔ gbɔ! Azɔ ɖiɖi wò asi ɖe anyi! Eve Yehowa ƒe dɔla la le Yebusitɔ Arawna ƒe lugbɔƒe gbɔ.

Ewe 2014 (EƲEGBE BIBLIA)

Esi Aƒetɔ ƒe dɔla yi be yeagblẽ nu le Yerusalem la, Aƒetɔ gbugbɔ le tohehe si wòdi be yeana wo la yome, eye wògblɔ na mawudɔla si le wo wum la be: “Esɔ gbɔ! Mègagblẽ nu yi edzi o.” Aƒetɔ ƒe dɔla la le Yebusitɔ Arawna ƒe lugbɔƒe gbɔ.