Acts 23:9 — Compare Translations

Ewe (Agbenya La) 2020

Nu sia he tɔtɔ gã aɖe vɛ, eye Yudatɔwo ƒe agbalẽfiala aɖewo siwo nye Farisitɔwo tsi tsitre hedo ɣli be yewomekpɔ be naneke gblẽ le Paulo ŋu o, ke boŋ ɖewohĩ mawudɔla alo gbɔgbɔ aɖee ƒo nu nɛ le Damasko mɔ dzi.

Ewe 1913 (Biblia alo Ŋɔŋlɔ Kɔkɔe La Le Eʋegbe Me 1913)

Eye ɣlidodo gãa ɖe dzɔ, eye agbalẽfiala, siwo nye farisitɔwo ƒe akpa la, dometɔa ɖewo tsi tre, eye wohe dzre ŋutɔ gblɔ bena: Miekpɔ vɔ̃a ɖeke le amesia ŋu o; ke ne gbɔgbɔa ɖe alo mawudɔlaa ɖe ƒo nu kpakplii la, nukae?

Ewe 2014 (EƲEGBE BIBLIA)

Ale ɣlidodo la gasẽ ɖe edzi wu tsã. Agbalẽfiala siwo le Farisitɔwo ƒe akpa dzi la, tsi tsitre ʋli nya la gblɔ be: “Míekpɔ vodada aɖeke le ame sia ŋu o. Nu kae gblẽ be gbɔgbɔ alo mawudɔla aɖee ƒo nu kplii?”

Ewe BEV (Agbenya La) 2006

Nu sia he tɔtɔ gã aɖe vɛ eye Yudatɔwo ƒe agbalẽfiala aɖewo tsi tre hedo ɣli be yewomekpɔ be naneke gblẽ le Paulo ŋu o, ke boŋ ɖewohĩ mawudɔla alo gbɔgbɔ aɖee ƒo nu nɛ le Damasko mɔ dzi.