Acts 26:20 — Compare Translations

Ewe (Agbenya La) 2020

Gbã la, megblɔ nyanyui la na ame siwo le Damasko, eye tso afi ma la, meva Yerusalem kple Yudea nutowo me. Emegbe la, meyi ame siwo menye Yudatɔwo o dome, eye megblɔ na wo be woadzudzɔ nu vɔ̃ wɔwɔ, atrɔ ɖe Mawu ŋu, eye woana woƒe nu nyui wɔwɔ nafia be wotrɔ dzi me vavã.

Ewe 1913 (Biblia alo Ŋɔŋlɔ Kɔkɔe La Le Eʋegbe Me 1913)

ke boŋ megblɔe fia Damaskotɔwo gbã, kple amesiwo le Yerusalem kple Yudea nutometɔwo katã kpakple trɔ̃subɔlawo hã, bena woatrɔ le woƒe dzi me, eye ne woagbugbɔ ava Mawu gbɔ, ne woawɔ dɔ, siwo dze dzimetɔtrɔ.

Ewe 2014 (EƲEGBE BIBLIA)

Gbã la, meyi Damasko. Emegbe la, meyi Yerusalem. Metsa Yudea-nyigba blibo la katã dzi. Metɔ edzi yi ame siwo menye Yudatɔwo o la hã gbɔ. Meyi ɖaɖe gbeƒã na wo be woadzudzɔ nuvɔ̃ wɔwɔ atrɔ va Mawu gbɔ, eye woawɔ nu si fia be wotrɔ dzime.

Ewe BEV (Agbenya La) 2006

Gbã la, megblɔ nyanyui la na ame siwo le Damasko eye tso afi ma la meva Yerusalem kple Yuda nutowo me. Emegbe la, meyi Trɔ̃subɔlawo dome eye megblɔ na wo be woadzudzɔ nu vɔ̃ wɔwɔ, atrɔ ɖe Mawu ŋu eye woana woƒe nu nyui wɔwɔ nafia be wotrɔ zu ame yeyewo vavã.