Amos 7:17 — Compare Translations

Ewe (Agbenya La) 2020

“Aleae nye Yehowa ƒe ŋuɖoɖo na wò, “ ‘Esime nètsi tsitre ɖe nyagblɔɖiawo ŋuti ta la, srɔ̃wò azu gbolo le du sia me, woawu viwò ŋutsuwo kple nyɔnuwo kple yi; woatsɔ dzidzeka ama wò anyigbae. Wò ŋutɔ ya, àku ɖe dzronyigba dzi, eye Israelviwo azu kluviwo le aboyo me le anyigba aɖe si le didiƒe ke la dzi.’ ”

Ewe 1913 (Biblia alo Ŋɔŋlɔ Kɔkɔe La Le Eʋegbe Me 1913)

Eyata ale Yehowa gblɔ esi: Srɔ̃wò awɔ gbolo le dua me, wò ŋutsuviwo kple wò nyonuviwo atsi yi nu, eye woatsɔ dzidzeka amã wò anyigbae, wò ŋutɔ àku ɖe anyigba makɔmakɔ dzi, eye woaɖe aboyo Israel atso eƒe anyigba dzi.

Ewe 2014 (EƲEGBE BIBLIA)

Eya ta, Amazya, Aƒetɔ be: ‘Srɔ̃wò awɔ gbolo le du sia me, eye viwòwo atsi aʋa. Woama wò anyigba na amewo, eye wò ŋutɔ àku ɖe anyigba makɔmakɔ aɖe dzi. Ke Israel-dukɔ la ya la, woaɖe aboyoe akplɔe dzoe tso eƒe anyigba dzi.’ ”