Amos 9:1 — Compare Translations

Ewe (Agbenya La) 2020

Mekpɔ Aƒetɔ la wòle tsitre ɖe vɔsamlekpui la gbɔ, eye wògblɔ nam be, “Xlã nu ɖe sɔtiawo tame ne xɔa ƒe agunu naʋuʋu. Mu sɔtiawo woadze ameawo ƒe ta dzi, eye ame siwo susɔ la, mawu wo kple yi. Ame ɖeka pɛ mato le eme o, eye ɖeke hã masi o.

Ewe 1913 (Biblia alo Ŋɔŋlɔ Kɔkɔe La Le Eʋegbe Me 1913)

Eye mekpɔ Aƒetɔ la wòtsi tre ɖe vɔsamlekpui la dzi gblɔ bena: Ŋe kɔ le sɔtiawo nu, ne kpuiawo nadzo kpekpekpe, eye nagbã wo ɖe wo katã ƒe ta dzi! Matsɔ yi awu wo viwoe, wo dometɔa ɖeke masi o, eye amea ɖeke makpɔtɔ o.

Ewe 2014 (EƲEGBE BIBLIA)

Mekpɔ Aƒetɔ wòle tsitre ɖe vɔsamlekpui la gbɔ. Egblɔ be: “Ƒo sɔtiwo ta sesĩe ale be wo gɔme naʋuʋu. Ŋe wo ƒu ameawo ƒe ta dzi. Mele ame mamlɛawo wu ge le aʋa me. Wo dometɔ aɖeke masí o; ɖeka hɔ̃ hã masusɔ o.