Exodus 7:22 — Compare Translations

Ewe (Agbenya La) 2020

Egiptetɔwo ƒe akunyawɔlawo hã wɔ woƒe nunya ɣaɣlawo ŋu dɔ, eye woawo hã wotrɔ tsi wòzu ʋu. Nu sia na Farao ƒe dzi me gasẽ kokoko. Meɖo to Mose kple Aron o, abe ale si Yehowa gblɔe do ŋgɔ ene tututu.

Ewe 1913 (Biblia alo Ŋɔŋlɔ Kɔkɔe La Le Eʋegbe Me 1913)

Ke Egipte-tɔwo ƒe akunyawɔlawo tsɔ woƒe ave me nuwɔwɔwo wɔe nenema ke. Eye Farao ƒe dzime sẽ, eye meɖo to wo o abe alesi Yehowa gblɔ ene.

Ewe 2014 (EƲEGBE BIBLIA)

Ke Egiptetɔwo ƒe nukunuwɔlawo hã to woƒe ayemɔwo dzi wɔ nukunu siawo ke. Ale abe ale si Aƒetɔ la gblɔe ɖi ene la, Egipte Fiagã la ƒe dzime gasẽ ko, eye wògbe be yemaɖo to Mose kple Aron ƒe gbe o.