Ezekiel 28:18 — Compare Translations

Ewe (Agbenya La) 2020

To wò nu vɔ̃ geɖewo kple wò asitsatsa si me nuteƒewɔwɔ mele o me la, èdo gu wò Kɔkɔeƒewo. Eya ta mena dzo do tso mewò, fia wò, eye mena nèzu afi le anyigba, le ame siwo katã nye nukpɔlawo la ŋkume.

Ewe 1913 (Biblia alo Ŋɔŋlɔ Kɔkɔe La Le Eʋegbe Me 1913)

Etsɔ wò vodada gbogboawo kple wò asitsatsa madzɔmadzɔ gblẽ ko ɖo na wò kɔkɔeƒe la; eyata mena dzo do tso mewo hefiã wò, eye metso wò wo dzowɔe ɖe anyigba dzi le amesiwo katã kpo wò la ŋku me.

Ewe 2014 (EƲEGBE BIBLIA)

To wò nuvɔ̃ɖi wɔwɔ gbogbo siwo nèwɔ la me, le wò asi madzɔmadzɔ tsatsa me la, nègblẽ kɔ ɖo na wò kɔkɔeƒewo. Eya tae metɔ dzo aƒe ɖe dziwò wòfiã wò, eye metrɔ wò nèzu dzowɔ le anyigba dzi le ame siwo katã kpɔ wò la ŋkume.