Ezekiel 33:27 — Compare Translations

Ewe (Agbenya La) 2020

Gblɔ na wo be, alea Aƒetɔ Yehowa gblɔ. “Meta ɖokuinye ƒe agbe be, ame siwo susɔ ɖe du gbagbãwo me la atsi yi nu; matsɔ ame siwo le gbedzi la ade asi na lã wɔadãwo woavuvu wo, eye ame siwo le mɔ sesẽwo me kple agadowo me la, dɔvɔ̃ awu wo.

Ewe 1913 (Biblia alo Ŋɔŋlɔ Kɔkɔe La Le Eʋegbe Me 1913)

Eyata gblɔ na wo bena: Ale Aƒetɔ Yehowa gblɔ esi: Meta ɖokuinye ƒe agbe: Amesiwo le glikpo dzi la, atsi yi nu, matsɔ amesiwo le gbe me la, ana gbemelãwo woaɖu, eye amesiwo le mɔ̃ sesẽwo kple agatowo me la, aku ɖe dɔvɔ̃ si me.

Ewe 2014 (EƲEGBE BIBLIA)

Gblɔ nya sia na wo be, Aƒetɔ Mawu be: Zi ale si mele agbe la, ava eme godoo be ame siwo tsi aƒedo me le glikpo dzi la, atsi yi nu. Ame siwo le gbedzi la, matsɔ wo na gbemelãwo woaɖu, eye ame siwo le mɔ́ sesẽwo kple agadowo me la, dɔ vɔ̃ awu wo.