Ezra 10:6 — Compare Translations

Ewe (Agbenya La) 2020

Ale Ezra dzo le Mawu ƒe aƒe la ŋkume heyi ɖe Yehohanan, Eliasib ƒe vi ƒe xɔ me. Esi wònɔ afi ma la, meɖu nu alo no tsi o, elabena eganɔ konyi fam ko tso aboyometsolawo ƒe nuteƒemawɔmawɔ ŋu.

Ewe 1913 (Biblia alo Ŋɔŋlɔ Kɔkɔe La Le Eʋegbe Me 1913)

Tete Ezra fɔ tso mawuxɔ la ŋgɔ heyi Yoxanan, Elyasib vi ƒe xɔ me. Eye esi wòva afima la, meɖu abolo o, eye meno tsi o. Elabena exa nu le aboyomeawo ƒe nu tovo wɔwɔ ŋuti.

Ewe 2014 (EƲEGBE BIBLIA)

Ezra dzo le Mawu ƒe aƒe la ŋgɔ yi Yehohanan, Elyasib vi ƒe xɔ me, eye wòtsi afi ma dɔ. Meɖu nu o, eye meno tsi hã o elabe ele nu xam le aboyometsolaawo ƒe nuteƒemawɔmawɔ ŋuti.