Ezra 8:35 — Compare Translations

Ewe (Agbenya La) 2020

Tete ame siwo gbɔ tso aboyo me la sa numevɔ na Israel ƒe Mawu la kple nu siawo: Nyitsu wuieve, ɖe Israel ƒe toawo nu, agbo blaasiekɛ-vɔ-ade, alẽvi blaadre-vɔ-adre kple gbɔ̃tsu wuieve abe nu vɔ̃ vɔsa ene. Wotsɔ esiawo katã wɔ numevɔsae na Yehowa.

Ewe 1913 (Biblia alo Ŋɔŋlɔ Kɔkɔe La Le Eʋegbe Me 1913)

Eye amesiwo gbɔ tso aboyo me, siwo nye aboyomewo la, sa numevɔ na Israel ƒe Mawu la, nyitsu wuieve ɖe Israel blibo la nu, agbo blaasieke vɔ ade, alẽvi blaadre vɔ adre kple gbɔ̃tsu wuieve woawɔ nuvɔ̃vɔsae, wo katã wotsɔ sa numevɔ na Yehowa.

Ewe 2014 (EƲEGBE BIBLIA)

Tete aboyometsola siwo gbɔ la sa numemevɔ na Israel ƒe Mawu la. Wona nyitsu wui eve ɖe Israel blibo la nu. Wona agbo bla asieke vɔ ade kple alẽvi bla adrẽ vɔ adrẽ hã. Azɔ wona gbɔ̃tsu wui eve hena nuvɔ̃vɔsa. Nu siawo katã nye numemevɔsa na Aƒetɔ.